一句話令營養師反白眼

雖然做得營養師呢D同人溝通嘅職業，對客都會保持禮貌，但我地聽到以下說話，都會忍唔住反白眼，什至發火

1。我聽日約左食炸雞，可以食幾多舊？

我相信未跟過營養師嘅朋友，都知炸野係減肥大忌，但真係有人問我食唔食得。有D仲自把自為約左去食，然後問我食幾多係OK...真係唔好講笑啦，炸雞都約得黎食，我叫你食一舊你真係唔食多舊咩？

2。無理由唔食XXX

話說朋友知我係營養師，都間中問下我點減肥。

👩：食雞飯啦，不過唔好食皮呀。

🙍：下！唔食皮... 食雞無理由唔食皮架! 

👩：(心諗) 你想減肥咪就係理由囉💁

3。畀個餐單黎我跟足食

聽落好似好聽話咁，但你知道嗎，十個有十個拎完個餐單都唔係跟住食。一個又話有突發約會，另一個又話朋友唔食呢D要就佢。尤其係第一次會見嘅客仔，以為拎到餐單就OK，但其實第一次見，我連你有咩唔食都唔知，點畀個啱你嘅餐單?

4。講大話

其實唔明白佢地咩心態，以為見營養師，畀左錢就等於會變瘦？所以唔跟建議，但又驚畀我地話，就喺food diary寫返D dry 到爆嘅食物。係咪當交功課畀我？真係睇唔過眼佢地咁浪費時間同埋浪費金錢.V.

講住咁多先，嬲到要抖抖

下回繼續😆