【收到投訴】

好多做服務行業嘅朋友都可能收到客人向老細投訴自己，營養師都一樣。

其實投訴唔係問題，真係有做得唔好嘅地方，當係一個提醒，畀個機會我停下來反省，等之後見客可以更加圓滑。

話說老細剛剛收到客人電話查詢(而其實有查詢/唔明，點解見面果陣從來都無向一直緊密跟進自己情況嘅營養師提出)，個客話自己個計劃淨返2個星期，但係仲有5磅要減，想知點樣可以幫到佢。

而最大問題係，老細會當呢D係投訴，投訴減得慢。不過當我上司一睇個case...

「超！邊係得返2星期呀，仲有成個月先完，點會減唔到呀！」

好多時客人投訴，其實係未了解發生緊咩事，亦都試圖將所有責任推晒喺營養師身上。呢D情況真係只能說無奈。

最主要嘅投訴就係 -- 減唔到
（其實減唔到可能係指呢個星期減唔到，唔係一磅都減唔到）👀
（咁當然，有人真係會減唔到）但呢D情況，十個有十個都係因為跟餐單跟唔好，我唔係要推走個負任，而係好多人以為跟餐單係，你叫我食雪菜肉絲米，我食左咪係囉，但其實佢食雪菜米之餘，仲食左個散水cake😩