營養師與註冊營養師 - 【私家篇】

點做營養師？

📖先講下學歷📚

想成為營養師（Nutritionist），可以揀中大港大的理學士BSc課程，再主修營養學(Food and
nutritional science)。至於外國的相關學科就分得仔細一D，有Food science, Nutritional science, Food safety等等。完成營養學學位課程，就可以成為營養師(Nutritionist)，進行營養咨詢。

但要做註冊營養師(Registered Dietitian / RD)，就必需經歷40週的臨床營養實習。香港營養師的註冊制度 只係最近期成立，亦未有自己辦的學位，所以暫時香港的RD，都係英國、美國、澳洲或加拿大等取得專業資格，或者讀HKU space同英國合辦的Dietetics diploma。

工作機會⛳

始終RD會多D選擇，醫院、萬0、屈人氏都會請RD，同埋有D job ad 都會寫明prefer RD。但如果好似我咁，想做私人公司做consultation的話，其實工作機會/工作選擇係無太大分別，畢竟有D營養中心的大老闆/台柱營養師，其實都沒有RD資格😂

工作性質

喺私人公司的nutritionist定RD，工作都係見客，而香港的營養師主要都係做體重控制，姐係減肥(諗起都傷心，大家淨係想減肥，唔係想健康😫)。不過當然有例外，例如孕婦飲食，病後飲食等等。

Nutritionist同RD的分別，就係會跟進唔同客人，例如糖尿病人、腎病病人、癌症康復者等，大多在飲食上有較多限制，以及可能涉及藥物配合，都需要有臨床經驗的RD負責。至於無病無痛，或者患高血壓，高膽固醇人士，都可以由Nutritionist跟進，情況就好似註冊護士(RN)同登記護士(EN)。

💰咁人工呢???

當然RD會高D，特別係起薪點，叫價能力高D，同埋可以參考醫院營養師人工。但之後人工的加幅，反而nutritionist可能會高D，始終老闆都係睇邊個做得野，氹唔氹得掂D客，公司自己自然加你多D人工。nutritionist同RD大家年資差不多的話，人工都可以平起平坐架！

利申: 淨係做過私人機構，主要分享一D 私人機構+由舊同事、同學講我知嘅道聽途說的資訊。
*資訊如有錯漏歡迎指正🙏🏻
.
◆隨心分享健康資訊
◆FB: Lazy diet懶惰營養師筆記
◆IG: lazydiet.hk