營養師唔食肥野？

好多客都會以為我地淨係食"健康食物"，對所有圾垃食物🍦🍟絕緣。但事實是，營養師都係人，我覺得垃圾食物在某程度上都係"健康" - 對我地心理健康有幫助。

垃圾食物在某程度上都係"健康" 

- 對我地心理健康有幫助。

Keep Fit唔係一味食白烚雞胸、白烚菜，而係適量地食，或者係搵一D比較健康的代替品。而我自己的comfort food就係台式飲品，仲要係唔少糖唔少冰😂喺返工返到好攰，或者畀老細嚴厲訓話之後，都會忍唔住買一杯750ml，一口氣乾杯❗

有時見到一向跟餐單跟得十全十美的客人，突然又食雪糕，又食炸雞翼... 雖然內心第一下會諗：跟左咁耐，做乜犯晒規架，想點呀！

但人生不應該只有減肥，心靈健康都好重要。營養師雖然只是飲食上知識比較了解，面對這種情況，我地都要化身社工，通常只要簡單問一句：呢排好忙？壓力好大？平時你唔係咁架噃～

即使面前的客人，已經係公司VP，或者年紀比你大十年，定係成為湊仔高手的媽媽，都會好願意同你分享生活上的唔開心。坦白講，佢地講嘅擔心、壓力，我都未必了解，始終好多客人都比我人生閱曆豐富，而自己只係一個社會小薯，但佢地都好樂意畀我幫手分擔。這種與人的互動和信任，或者就是我喜歡當營養師的原因。

◆隨心分享健康資訊
◆IG: lazydiet.hk