營養師見工問咩?

見工問題不外乎例牌的自我介紹，然後問你點解想做呢份工。至於營養師見工，又有無咩特別？

印象中，只係問左幾條問題同營養師有關。利申：好多年前見工，可能out 左架喇～

作為Freshgrad的年輕人，訓醒都無早餐啦 hahah 不過都可以大約講出火腿通粉、雪菜肉絲米粉，配多士炒蛋。

當時老闆問我，翠X 的早餐A 係咩，坦白講不能避免，一定要知道各間大集團的餐牌，大約知道M記餐/太輕早餐，仲有，有些集團的假日早餐和平日早餐的組合是不一樣的，所以面試前都要好好做準備。

當你做左一段時間，就會慢慢記得大快樂哪個特價餐先健康，知道隻炒蛋可唔可以轉做烚蛋。

面試題目其實都是開放式，老闆最主要都是想看看你的表達能力。不過我估計自己講中左佢心目中的答案，見到佢係咁點頭。

當時傻更更的我第一下當然覺得營養知識好重要啦，不過見好似無咩好講，就話：

"我覺得營養師除咗有專業知識外，仲需要聆聽同埋耐性，因為我們是為別人解決飲食上的問題，唔先了解佢地對症下藥的話，其實再多的知識都不可以傳到客人心中，更不要說幫忙。"

另外，有個自言識煮嘢食的同事，當年就問佢點煮肉醬意粉。聽説就係佢講過要過冷河，同埋回鑊，令老細知佢唔係吹水lol 所以逢勸各位，面試時，都係誠實面對自己，唔係好易穿煲。

最後問左一D關於我自己的問題，又問我有咩缺點。

而最最最後，坦白講，我老細見工時係好黑人憎，高高在上咁，係咁踩我，話我呢樣唔得果樣唔得，呢D老一輩的面試方式，希望大家唔會遇到啦。

◆隨心分享健康資訊