營養師見咁多客，總會有艷遇

 有時見客時間較鬆動，都會同客人閒談一番。說起拍拖這話題，客人都會說，你地成日見客識人多，自然多啲機會搵到另一半啦！

識人多，的確，我做果度比較流水作業，旺季期間每日返工8個鐘可以見到30-40個客，而且每個星期一般都要見同一個客2次，比朋友都見得多! 

客人的範圍，有家庭主婦、商界VP 、娛樂圈監製、PR 經理、訓導老師、fashion brand員工... 總之各行各業的人都可能接觸到😉

而且作為稱職的營養師，會了解客人每週活動，同埋家庭成員狀況，希望盡量令客人減重之餘，不會影響他的社交與家人關係。

所以客人參加一個短知的減重計劃，我已經可能了解佢很多，遇上健談的更可能談天説地，計劃完結後交換電話做個朋友~~

問題是，由客人變成朋友再要成為另一半.... 根本不是容易的事。

首先，來減重的朋友，9成是女性，當中更有約一半已婚，另外亦有些有穩定另一半準備減肥結緍，男同事們想也別想😹

在那10%的男性客人中，有部分是陪老婆/女朋友減肥的，另外，有些男孩子也就是仍然是學生的...因為媽媽迫令減肥才會出現我面前。適齡的男客人真的所剩無幾😹也有因為找不到女朋友而過來減重，一見到我們的女同事已經怕怕醜醜，話也説不多🙈

當然，我相信肥仔/肥妹仔就是潛力股，不少客人成功減磅後，又靚女又型仔，可惜這個時候，已經減完，要跟他們説再見了😹

但有同事被客人力追多年之後...真係一齊左呀😏話説，真的曾經有男客人和女客人(估唔到我Market 幾廣) 交換電話後，跟我説了奇怪的説話，不過我都一一拒絕，或者我諗法老土，覺得營養師與客人的關係，好像保留一點距離更好。