營養師的外快

依家好多機構都會搵營養師講講座，收費當然好唔同。幾年前，有NGO因為政府funding budget係$1800，但報價收集回來，最平的都要$2400，所以搵唔到註冊營養師。結果NGO朋友要搭上搭，搵我幫手問下同事朋友得唔得捱義氣。

而事實上，間中會收到經公司邀請我地營養師去講講座。酬勞

多少就唔清楚，但一些大機構，如：中電、HKMA等，起碼不用受制於政府Budget，應該都多於$1800。不過我的無良老細係並不會跟我地分享酬勞，他只會覺得是公司為你增加了眼界😣所以實質的價錢，我也不太清楚。

大家看到營養師講1小時講座便收$1000-3000的同時，也不要忽略背後做準備的時間。試過友情價幫朋友機構講講座，結果，用了整整兩星期的工餘時間，為了確保資料是最新最準確，同時，又想令講座生動一點，貼地一點，便走訪超級市場查找食物，拍下營養標籤，而香港的低脂產品不是一兩間超市就可以集齊，結果很多時間都花在資料搜集。

除了講座，營養師的外快機會亦可能是做訪問，接受公司邀請出席的工作坊或烹飪班，亦有些有名氣的營養師，更可以寫書出食譜。但作為公司的營養師，我的無良老細係並不會跟我地分享酬勞😣不要説是講座這種One-off 活動收入，同事曾為公司寫文出書出食譜，都一點也沒有收到賣書的回報，明明煮食的工作，以至文字內容8成都出自同事手筆，卻只在書上的作者欄加上其名字，排名還在老細之後。

或者你會說年尾花紅會比較大份吧？或者是的，但多年以來，好幾個非管理層同事的花紅都不是以每月人工作為單位，即是半個月人工都沒有...

好了，不是想批鬥老細大會，只想說說，如果想賺外快，最重要都是靠自己，好好建立人脈，有一天，機構或客人都會主動找你參與以上活動。說實在，我是感謝有這些見客以外的新嘗試，只是有實際回報就更好了😜

相關文章👉營養師人工高?

 

◆隨心分享健康資訊

◆FB: Lazy diet懶惰營養師筆記

◆IG: lazydiet.hk