營養師點入行架？

大家好，我係一個Nutritionist，姐係營養師/營養學家。開呢個Page唔係想sell自己點幫人減肥，而係想分享下工作上的奇人奇事趣事7事，畀大家了解下呢行，又畀自己了解下自己，記低少少營養知識(等老左都唔會唔記得)。

話說當時年紀小，中學成續算係咁，妄想Jupas入硬神科，結果陰差陽錯下，on居居入左BSc。其實我當年真係一心諗住對營養呢科有興趣，神科同營養學二揀一都好，只係果陣唔知興趣唔可以當飯食姐。就係咁入左General 到不行的Bachelor of Science，然後完全無考慮其他major 的可能性同前途，其實Year 1曾經嘗試讀埋Biochem，為未來去外國"讀埋個營養師牌"鋪路，最後，認真考慮到屋企財政，當然加上Biochem爛grade，淨係Major F&N。

如是者，過了三年大學生活，當然希望搵學科相關工作(其實Year 2 summer去大陸醫院實習，令我更有興趣想做營養師嘅，有機會再詳細講)，但又唔想做medical sale，所以畢業都好擔心，為自己set三個月限期，三個月搵唔到營養師嘅工作，就轉行。

結果，好好彩，大約只係畢業後一個月，就收到一間私人營養機構offer，就係咁混混噩噩咁成為營養師。