如何避免踩單車時的膝頭痛？

👩🏻‍🦱: 膝頭痛呀, 唔做得運動

👩🏻‍💻: 梗係唔係叫你跑步啦, 去Clubhouse踩單車啦!

👩🏻‍🦱: 好耐之前試過, 都痛呀~

👩🏻‍💻: 有無教啱個seat位架? 

👩🏻‍🦱: 乜要教架咩?

-------------------------------------------

好多朋友都礙於體重問題，對做運動有心無力。一些負重運動，例如：跑步，打波等，的確會令膝頭承受不少壓力，呢啲時候，醫生/運動教練都會叫人去游水。

不過懶惰如我，就明白，游一次水要拎好多，的確唔係咁大動力。而單車就是另一個合適的選擇。作為新界牛的我，屋企樓下就有大量共享單車，或者係大家可以去會所做健身單車，都可以。

不過要確保不會令膝痛惡化，記住要調教好坐位水平。方法就如下圖一樣

1）先坐上去

2）雙腳放到腳踏上，其中一邊腳踏踩到最低

3）踩住最低腳踏那邊腳，不需要完全伸直

4）另一邊腳（應該腳踏處於最高位置），膝頭成90度角

調教好位置，就可以出發lu~