營養師與註冊營養師 - 【餐單好與壞篇】

上一篇提及，營養師同註冊營養師於傳統減肥中心的工作分別不大，今次倒米地講下營養師們的餐單的分別，同埋揀營養師。

相信大家有得揀，都會傾向較信賴註冊營養師。不能否認，註冊營養師有各種的訓練，佢地用的方法一般都會比較有研究支持，換言之較安全健康。亦都會懂得針對不同病況用不同餐單，例如~~生酮飲食(ketone diet)~~其實是用於癲癎症朋友，而非以減肥為目的。

不過，註冊營養師，特別係學院派，喺醫院做的，相對地對食物的味道，或者和病人的溝通（自己覺得）係唔同D🙈當然，好depends 係每個營養師對食物幾有研究嘅～

上回提及，只要完成營養學學位就可以是營養師，更什的是，某D行家更只係可能修讀一個"工聯"營養課程，或者只要讀過一本營養書藉，都可以自稱營養師/營養學家，而不違反法例。

佢地用嘅餐單，好多都係充滿神秘感和噱頭。根據客人爆料😂

第一星期淨係可以食肉；

第二星期可以食少少飯類，同時有三日係淨食水果...

另一客人爆料💁

要將澱粉質同肉類分開時段食，早上食完麵包，下午只可以食蛋，晚上只可以食蕃薯

等等，千奇百趣的方法。小妹才疏又老土，不敢說以上方法唔好，但我成日都覺得，可以食得飽之餘又減到脂，點解仲要用呢D 咩都唔食嘅方法？

當然，明白好多人都好鍾意食肉，覺得食肉減肥法適合自己。但要溫提一下，~~食肉減肥法（atkins diet)~~的創辦人最後死於血管栓塞。

如果大家想搵營養師減肥，一係傳統大型減肥中心，如果真係搵1 man band類較細型的減肥公司，建議搵註冊營養師（RD）開設的會比較安心。

利申：其實好多有心的營養師，只係大眾未識分別的時候，有註冊的營養師真係好D。

*資訊如有錯漏歡迎指正🙏🏻

◆隨心分享健康資訊
◆FB: Lazy diet懶惰營養師日常
◆IG: lazydiet.hk