減肥減到差d 分手

話說幾年前的一個客人，20幾歲，女，面尖尖都幾瘦咁體重大約120磅。你可能會話，咁瘦點解仲要黎減，係呀，我都唔明呀！

其實我地營養師好怕見後生仔女，因為後生仔女好多時多朋友聚會，而且一般定力不足，好易畀朋友講兩講就犯規，食炸嘢，食pizza等，總之就是比較不聽話吧～再說，本身已經瘦的客人也是比較難減，所以一開始分派了這個客的時候，已經覺得頭痛了。

誰知，這個女生好乖，餐單跟很好足，飲食日記又很用心寫，什至會問我有沒有飲食日記的softcopy 好讓她可以一吃完飯，就在手機上記錄。就連打邊爐都可以完整寫下吃了3片牛肉、1粒白魚蛋、1粒龍蝦丸！因為佢跟餐單的一絲不苟，轉眼就減到目標的5磅了。

不過見她跟餐單如此嚴格，就問她：男朋友有沒有咋型？她說：不會啦，你見他差不多每次都陪我上來見你就知啦～如此我就放心了，繼續"放任"她努力減磅，追求馬甲線。

當她減到目標，進入保持階段，我便著她慢慢要增加一點較高油脂的食物了。當然，她也後聽話，說她可以一星期吃2餐較高脂食物，她真的只吃2餐，還會好緊張的whatsapp 問我這個可以吃那個可以吃嗎～

一方面原來真係有人咁聽話，覺得好感動，但另一方面，我都不停跟她說，你已經是保持期了，不要怕，就是要吃得油一點，否則身體不能適應，以後又無我睇住，到時才危險。而且我覺得，長期的限制，只會令人心靈變得不健康。

--> 營養師唔食肥嘢？

每次勸她放心食的時候，她都只會說ok，怕肥多過怕限制呀！

計劃完給後，她當然以超人成績完成，也漸漸沒有再問我什麼東西能吃了。

當我以為她終於放心享受食物又能維持體動之際，她突然又出垷在我whatsapp：

我終於明白點解你要我食多D唔同食物喇，之前我真係好投入減肥，好緊張體重。但係就係減肥，減到我差D同男朋友分手，佢話同我一齊無得周圍食，好多時我又怕啲嘢肥，淨係食幾啖咁，搞到佢好唔開心。不過好彩，我依家終於睇開左，同埋，依家同佢周圍食完都無反彈到，就算係前排聖誕去左幾個party，重左1,2磅，我都自己control 得返。

見到佢咁，我都好開心，好彩佢地無因為減定唔減而分手，如果唔係，我就好似罪人了。同埋，希望睇緊呢篇文嘅大家，減緊嘅都要留意下身邊人，要照顧下佢地個肚呀。至於作為營養師的我們，真的要多點拉拉這些乖客人一把：）

*利申：如有雷同，實屬巧合

◆隨心分享健康資訊

◆FB: Lazy diet懶惰營養師筆記

◆IG: lazydiet.hk